დიმიტრი შაშკინი რესპუბლიკელ კონგრესმენს მაიკ კელის შეხვდა

საქართველოში მიმდინარე პროცესებით დაინტერესდა რესპუბლიკელი კონგრესმენი მაიკ კელი ამერიკის კონგრესის შენობაში დიმიტრი შაშკინთან პირისპირ შეხვედრისას.

მაიკ კელიმ დადებითად შეაფასა საქართველოში განხორციელებული დემოკრატიული რეფორმები, დაინტერესდა განათლების სისტემაში დანერგილი ახალი პროექტებით, რომლებიც განათლების ხელმისაწვდომობას უზრუნველყოფენ. ამ პროგრამების ფარგლებში საქართველოს ყველა მოქალაქეს, მიუხედავად რელიგიური აღმსარებლობისა და წარმოშობისა სრულყოფილი განათლებისა და თვითრეალიზების საშუალება აქვს.

კონგრესმენის აზრით, მნიშვნელოვანია, რომ საქართველოს  სკოლებში ძლიერდება საინფორმაციო ტექნოლოგიების სწავლება,  იხსნება  ,,მომავლის კლასები”, მიმდინარეობს სკოლების ,,ჭკვიანი დაფებით” (smart board) აღჭურვა, პირველკლასელებს და მათ პედაგოგებ სახელმწიფოსგან საჩუქრად კომპიუტერები გადაეცემათ და სხვ.