Loading


საჯარო სკოლები სქულ ბოქსებით აღიჭურვება


23.04.2012

საქართველოს განათლებისა და მეცნიერების სამინისტრო  რეფორმის ფარგლებში ახალ პროექტს ანხორციელებს - მალე საჯარო სკოლები  სპეციალურად შერჩეული  და დატესტილი აპარატურისაგან შემდგარი სქულ ბოქსებით აღიჭურვება. ყუთში ჩატვირთული თანამდეროვე სისტემა სტაბილურ და უსაფრთხო ინტერნეტკავშირს უზრუნველყოფს და სკოლებს დამატებითი ელექტრონული სერვისების განხორციელებაში დაეხმარება.

უწყვეტი ინტერნეტკავშირი, ონლაინ შეფასებები, საკონტროლო სამუშაოები, კონფერენციები, ვიდეო გაკვეთილები - ეს არის ძირითადი მიზანი, რის განხორციელებაშიც მასწავლებლებსა და მოსწავლეებს ახალი აპარატურა ე.წ. სქულ ბოქსები დაეხმარება. შედეგად, ხარისხობრივად გაუმჯობესდება სასწავლო პროცესი, ყველა მოსწავლეს  შესაძლებლობა ექნება უწყვეტ  რეჯიმში ისარგებლოს ინტერნეტით, ადგილი აღარ ექნება ლოჯისტიკურ და ტექნიკურ ხარვეზებს.

სქულ ბოქსების აწყობა კომპიუტერულ ქარხანა ”ალგორითმში” მიმდინარეობს. დღეს, საქართველოს განათლებისა და მეცნიერების მინისტრი დიმიტრი შაშკინი ქარხანას ეწვია და აწყობის პროცესს პირადად გაეცნო. ქარხანაში 100-მდე პროფესიონალი სპეციალურ ყუთებში თანამედროვე სისტემას ამონტაჟებს. რამდენიმე კვირაში სქულ ბოქსები 1500 სკოლას დაურიგდება.

წელს პირველად, საატესტატო გამოცდები სწორედ ახალი სისტემის გამოყენებით ჩატარდება. ახალი სასწავლო წლიდან კი, სკოლებში სასწავლო და შეფასებითი პროცესი სქულ ბოქსების დახმარებით, ელექტრონულად წარიმართება. სკოლები, მასწვლებლები, მოსწავლეები ინფორმაციებს ონლაინ რეიჟიმში მიიღებენ.  ახალი სისტემა სკოლებს ასევე დაეხმარება  ჰქონდეთ  მჭიდრო ონლაინკავშირი.

სქულ ბოქსების დანერგვა განსაკუთრებით მნიშვნელოვანი რეგიონების სკოლებისთვისაა,  ახალი სისტემა მათ იგივე მომსახურებასა და კომფორტს სთავაზობს, რასაც ქალაქის სკოლებს.

ახალი სისტემის დანერგვა  სკოლებში ეტაპობრივად განხორციელდება.  პროექტი ასევე ითავლისწინებს სკოლების ინფრასტრუქტურულ რეაბილიტაციასაც, წელს 10 000-მდე ახალი კომპიუტერი შევა სკოლებში.


რამდენი ადამიანიცაა, იმდენი აზრია.

ლათინური გამონათქვამი



23.11.2020

თამაში ქიმიაში, პერიოდული სისტემა

ქიმიურ ელემენტთა პერიოდული სისტემა

02.10.2020

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა ინფორმატიკისა და მათემატიკის საერთაშორისო სასწავლო ოლიმპიადების გამარჯვებულ მოსწავლეებს სამინისტროში უმასპინძლა და წარმატებული ასპარეზობა მიულოცა.

30.09.2020

თუ თქვენი შვილი I-VI კლასის მოსწავლეა და სწავლობს თბილისში, ზუგდიდში, ქუთაისში ან რუსთავში, შეგიძლიათ დისტანციური სწავლების რეჟიმით ისარგებლოთ;

იხილეთ ყველა

საავტორო უფლებები დაცულია , საქართველოს განათლებისა და მეცნიერების სამინისტრო , 2010
Developed by ITNovations