Loading


სამეცნიერო-საინოვაციო კონკურსის ფინალური ტური გაიმართა


02.06.2015

სასტუმრო თბილისი მერიოტში სკოლის მოსწავლე გოგონების სამეცნიერო-საინოვაციო კონკურსის ფინალური ტური გაიმართა. 20-მა ფინალისტმა გოგონამ საინოვაციო პროექტის პრეზენტაცია გააკეთა. მათგან გამარჯვებული პროექტები კომპეტენტურმა ჟიურიმ გამოავლენა და პრიზები და სამახსოვრო საჩუქრები გადასცა.

პროექტი აშშ-ის საელჩოს დაფინანსებითა და საქართველოს განათლებისა და მეცნიერების სამინისტროს მხარდაჭერით, საქართველოს სამეცნიერო-ტექნოლოგიური განვითარების ფონდთან (GRDF), აშშ სამოქალაქო კვლევებისა და განვითარების ფონდთან (CRDF Global), ამერიკის ვაჭრობის პალატასთან და ინტელექტუალური საკუთრების ეროვნულ ცენტრ „საქპატენტთან“ თანამშრომლობით განხორციელდა.

პროგრამის მიზანი იყო მეცნიერების, ტექნოლოგიების, ინჟინერიის და მათემატიკის (STEM) სფეროში ქალების წამყვანი როლის წახალისება; გოგონების დაინტერესება სკოლის შემდგომი საუნივერსიტეტო სწავლისას აირჩიონ STEM მიმართულებები. ღონისძიებას საქართველოს განათლებისა და მეცნიერების მინისტრის მოადგილე გიორგი შარვაშიძე და ამერიკის ელჩი საქართველოში რიჩარდ ნორლანდი დაესწრნენ.

„განათლებისა და მეცნიერების სამინისტროს ერთ-ერთი სტრატეგიული მიმართულებაა გენდერული თანასწორობის ხელშეწყობა და ქალთა როლის გაზრდა საზოგადოებაში. უაღრესად მნიშვნელოვნად მიგვაჩნია მოსწავლეების ჩართვა სამეცნიერო საქმიანობაში, განსაკუთრებით კი, გოგონების დაინტერესება ტექნიკური მიმართულებით და ამ სფეროში მათ მიერ პროფესიული არჩევანის გაკეთება“,- განაცხადა გიორგი შარვაშიძემ.


შეცდომა ადამიანურია, პატიება კი ღვთაებრივი.

ლათინური გამონათქვამი



04.02.2019

უსაფრთხო ინტერნეტის დღესთან დაკავშირებით, განათლების, მეცნიერების, კულტურისა და სპორტის სამინისტროს მხარდაჭერით, კომუნიკაციების ეროვნული კომისიის, საქართველოს საზოგადოებრივ საქმეთა ინსტიტუტის, პერსონალური მონაცემების დაცვის ინსპექტორის აპარატისა და ინტერნეტ საზოგადოება-საქართველოს წარმომადგენლები, 4-5 თებერვალს თბილისის 8 საჯარო სკოლაში მოსწავლეებისთვის ტრენინგებს ატარებენ.

23.01.2019

განათლების რეფორმის ფარგლებში განათლების, მეცნიერების, კულტურისა და სპორტის მინისტრმა მიხეილ ბატიაშვილმა სამინისტროს ტექნოლოგიებისა და ინოვაციების ჯგუფის ხელმძღვანელთან ნიკა დობორჯგინიძესა და ინფორმაციულ-საკომუნიკაციო ტექნოლოგოების მიმართულების ექსპერტთან სანდრო ასათიანთან ერთად საზოგადოებას ინოვაციებისა და ტექნოლოგიების მიმართულებით დაგეგმილი პროექტების პრეზენტაცია წარუდგინა.

26.12.2018

საქართველოს განათლების, მეცნიერების, კულტურისა და სპორტის სამინისტროს ისტ-ის მიმართულების ექსპერტმა, სანდრო ასათიანმა, ინფორმაციულ-საკომუნიკაციო ტექნოლოგიების მასწავლებლებს კომპიუტერული ტექნოლოგიების სწავლა-სწავლების ახალი კონცეფცია წარუდგინა.

იხილეთ ყველა

საავტორო უფლებები დაცულია , საქართველოს განათლებისა და მეცნიერების სამინისტრო , 2010
Developed by ITNovations