Loading


ბავშვთა დაცვის საერთაშორისო დღე მინისტრმა მოსწავლეებთან ერთად გაატარა


01.06.2015

ბავშვთა დაცვის საერთაშორისო დღესთან დაკავშირებით, საქართველოს განათლებისა და მეცნიერების მინისტრი თამარ სანიკიძე ილიას სახელმწიფო უნივერსიტეტის ბოტანიკის ინსტიტუტში სპეციალური საგანმანათლებლო საჭიროების მქონე სკოლის მოსწავლეთა ნამუშევრების გამოფენას დაესწრო და ბავშვებთან ერთად, სხვადასხვა აქტივობებში მიიღო მონაწილეობა.

საქართველოს განათლებისა და მეცნიერების სამინისტროს ორგანიზებით და ილიას სახელმწიფო უნივერსიტეტის მხარდაჭერით, 1 ივნისს, ბავშვთა დაცვის საერთაშორისო დღესთან დაკავშირებით, ბოტანიკის ინსტიტუტში სპეციალური საგანმანათლებლო საჭიროების მქონე სკოლის მოსწავლეთა ნამუშევრების გამოფენა მოეწყო, სადაც წარმოდგენილი იყო მათ მიერ შესრულებული ნახატები, ფოტოები და ხელნაკეთი ნივთები.

ამ დღესთან დაკავშირებით, პანკისიდან და სამცხე-ჯავახეთიდან ჩამოსულ სკოლის მოსწავლეებს ილიას სახელმწიფო უნივერსიტეტმა საინტერესო სამეცნიერო ტური მოუწყო. სპეციალურად მოწყობილ სტენდზე, მოსწავლეებს შეეძლოთ მონაწილეობა მიეღოთ სახალისო სამეცნიერო ექსპერიმენტებში ბიოლოგიისა და ქიმიური ბიოლოგიის მიმართულებით; ცდებში მონაწილე მოსწავლეები „დამწყები მეცნიერის“ სერტიფიკატებით დაჯილდოვდნენ. უნივერსიტეტის მომავლის სამრეწველო ინოვაციების ლაბორატორიის კუთხეში, სტუმრები 3D პრინტერით სხვადასხვა ნივთების დამზადების პროცესს ეცნობოდნენ. მთელი დღის განმავლობაში მოსწავლეებისთვის მუშაობდა კომპიუტერული თამაშების ლაბორატორიის კუთხე, სადაც ოკულუსების საშუალებით მსურველებს შესაძლებლობა ჰქონდათ ვირტუალურად გაცნობოდნენ უნივერსიტეტში მოქმედ სხვადასხვა ლაბორატორიებს. სამეცნიერო სტენდზე მოსწავლეებმა დაათვალიერეს ილიას სახელმწიფო უნივერსიტეტის ლექტორებისა და სტუდენტების მიერ დამზადებული დანადგარები, მათ შორის, სეისმურობის საზომი მოწყობილობა.

მოსწავლეებმა ბოტანიკის ინსტიტუში არსებული ლაბორატორია და ჰერბარიუმიც დაათვალიერეს და მონაწილეობა მიიღეს სხვადასხვა შეჯიბრებებში, რომელიც ილიას სახელმწიფო უნივერსიტეტის ბავშვის განვითარების ინსტიტუტის რეკომენდაციით შემუშავდა.

ღონისძიებას მუსიკალურად ილიას სახელმწიფო უნივერსიტეტის ვოკალური ჯაზ-ბენდი აფორმებდა.


ხერხი სჯობია ღონესა, თუ კაცი მოიგონებსა.

ქართული ანდაზა



17.07.2017

საქართველოს განათლებისა და მეცნიერების სამინისტროს სრული დაფინანსებითა და ორგანიზებით, ნიჭიერ მოსწავლეთა წახალისების არაერთი პროექტი ხორციელება....

28.06.2017

ტექნოპარკში მოსწავლეთა პროგრამირების (კოდინგის) სასკოლო კლუბების შემაჯამებელი კონფერენცია გაიმართა, სადაც მოსწავლეებმა  ჯგუფურად შექმნილი პროექტები - code.org პლათფორმაზე აწყობილი კომპიუტერული თამაშები წარმოადგინეს. 

15.06.2017

მეოთხე-მეხუთე კლასელმა ქუთაისელმა მოსწავლეებმა გამოყენებითი ფიზიკის, მათემატიკისა და ინფორმატიკის თავისუფალ გაკვეთილებზე „სიმაღლის მზომავი დეკოდერი“ დაამზადეს და ამით თავიანთი იდეის სრულფასოვანი რეალიზაცია მოახდინეს.

იხილეთ ყველა

საავტორო უფლებები დაცულია , საქართველოს განათლებისა და მეცნიერების სამინისტრო , 2010
Developed by ITNovations