Loading


საერთაშორისო სასკოლო ოლიმპიადებში გამარჯვებულები დაჯილდოვდნენ


03.11.2016

საერთაშორისო სასკოლო ოლიმპიადებში გამარჯვებულები დაჯილდოვდნენ საქართველოს განათლებისა და მეცნიერების მინისტრმა ალექსანდრე ჯეჯელავამ წარმატებული მოსწავლეები დააჯილდოვა, რომელთაც მოპოვებული გამარჯვებებისთვის სხვადასხვა პრიზები და ფულადი ჯილდოები გადაეცათ. მინისტრის მიერ 5 მოსწავლე საერთაშორისო საგნობრივ ოლიმპიადებში, ხოლო 13 ინფორმატიკის ეროვნულ ტურნირში გამარჯვებისთვის დაჯილდოვდა.

„წარმატებული მოსწავლეების წახალისების პროგრამის“ ფარგლებში, საქართველოს განათლებისა და მეცნიერების სამინისტრო მსოფლიოს ყველაზე მასშტაბურ და პრესტიჟულ ოლიმპიადებში ყოველწლიურად საქართველოს ნაკრები გუნდების მონაწილეობას აფინანსებს. საერთაშორისო ოლიმპიადებში, რომელიც მათემატიკაში (IMO), ფიზიკაში (IPHO); ინფორმატიკაში (IOI); ბიოლოგიასა (IBO) და ქიმიაში (ICHO) ჩატარდა, წელს 23 ქართველი მოსწავლე მონაწილეობდა, რომელთაგან ერთმა ვერცხლის, ოთხმა ბრინჯაოს მედალი დაიმსახურა, ხოლო ექვსმა მოსწავლემ საპატიო სიგელი მოიპოვა. ვერცხლის მედლის მფლობელი -2000 ლარით, ხოლო ბრინჯაოს მედლის მფლობელი - 1000 ლარით დაჯილდოვდა.

ხაზგასასმელია, რომ ბოლო 7 წლის მანძილზე, საქართველოს ნაკრები გუნდების წევრებს ოლიმპიადებში 3 ოქროს, 17 ვერცხლის, 59 ბრინჯაოს მედალი და 37 საპატიო სიგელი აქვთ მოპოვებული.

ინფორმატიკაში ეროვნული ტურნირი წელს ორ ეტაპად სამ ასაკობრივ კატეგორიაში ჩატარდა და მასში საჯარო და კერძო სკოლების VII-XII კლასის მოსწავლეები მონაწილეობდნენ. ტურნირის შედეგად, 12 გამარჯვებული გამოვლინდა: I ადგილი (3 მოსწავლე), II (3), III (3) და 4 საუკეთესო ათეული. მოსწავლეები 1000, 700, 500 და 50 ლარის ღირებულების კომპიუტერული ტექნიკისა და აქსესუარების, სასაჩუქრე ბარათებითა და დიპლომებით დაჯილდოვდნენ.


ნუ გამოავლენ ესოდენ ძალისხმევას, ყველაფერი საუკეთესო მოულოდნელად ხდება

გაბრიელ გარსია მარკესი



16.11.2018


მოსწავლე გამომგონებელთა და მკვლევართა ,,ლეონარდო და ვინჩის“ 2018 წლის კონკურსის საკონკურსო კომისიამ, კონკურსის დასკვნით ეტაპზე წარდგენილი 18 საკონკურსო განაცხადი შეაფასა ფონდის გენერალური დირექტორის 2018 წლის 23 იანვრის N11 ბრძანებით დამტკიცებული შეფასების კრიტერიუმების შესაბამისად და გამოავლინა 2018 წლის კონკურსში გამარჯვებულები.

24.10.2018

საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა და ეკონომიკისა და მდგრადი განვითარების მინისტრმა გიორგი ქობულიამ კასპში მიმდინარე საგანმანათლებლო და ტექნოლოგიური პროექტები დაათვალიერეს, რომლებიც ახლო მომავალში რეგიონს ახალ დატვირთვასა და უმნიშვნელოვანეს ფუნქციას შესძენენ.

18.07.2018

გიორგი კვინიტაძის სახელობის კადეტთა სამხედრო ლიცეუმში „რობოტექნიკის საზაფხულო ბანაკი“ გაიხსნა, სადაც 13 -18 წლის 1500-მდე მოზარდი დასვენების პარალელურად, ტექნოლოგიურ ინოვაციებს გაეცნობა.

იხილეთ ყველა

საავტორო უფლებები დაცულია , საქართველოს განათლებისა და მეცნიერების სამინისტრო , 2010
Developed by ITNovations