Loading


ინფორმატიკის ოლიმპიადიდან მედლებით დაბრუნებული ქართველი მოსწავლეები


26.07.2017

მედლებით დაბრუნდნენ საქართველოს მოსწავლეთა ნაკრები გუნდის წევრები  ცენტრალური ევროპის ქვეყნების (CEOI) 24-ე ოლიმპიადიდან ინფორმატიკაში, რომელიც  სლოვენიის დედაქალაქ ლიუბლიანაში ჩატარდა.

სასიხარულოა ის ფაქტი, რომ ჩვენმა მოსწავლეებმა ისეთი მაღალი რეიტინგის მქონე ოლიმპიადაზე, რომელში მონაწილე ქვეყნებსაც არათუ ევროპაში, არამედ მსოფლიო მასშტაბითაც კი უძლიერესი გუნდები ჰყავთ და ყოველთვის ლიდერის პოზიციები უჭირავთ, ასეთი მაღალი შედეგები აჩვენეს: გიორგი კლდიაშვილმა (დემირელის სახელობის კერძო კოლეჯი, მე-11 კლასი) აბსოლუტური შედეგი აჩვენა, ორი ტურის შემდეგ ჯამში 600 შესაძლებლიდან 600 ქულა მოაგროვა და ოქროს მედალი დაიმსახურა, ალექსანდრე ხოხიაშვილმა და ვანო გამეზარდაშვილმა (კომაროვის ფიზიკა - მათემატიკური სკოლის მე-11 კლასელები) კი ვერცხლის მედლები მოიპოვეს.

სამინისტროს დაფინანსებით, საქართველოს მოსწავლეთა ნაკრები წელს უკვე მესამედ მონაწილეობდა ამ ოლიმპიადაში და წინა წლებში, ორივეჯერ 1 ვერცხლი და 2 ბრინჯაო აიღო. წელს კი წინა წლებში მიღწეული შედეგები კიდევ უფრო გააუმჯობესა და ამ შედეგით საქართველო მონაწილე ქვეყნების უძლიერეს სამეულში მოხვდა, რაც უდავოდ დიდი წარმატებაა.

გუნდს ხელმძღვანელობდნენ: ლიდერი - პედაგოგიკის მეცნიერებათა დოქტორი, პროფესორი  გიორგი მანდარია და თანალიდერი  პროფესორი ზაზა გამეზარდაშვილი. 


იმისთანა სიტყვა თქვი, რომ ხვალ იმ სიტყვამ არ გაგაწბილოსო.

ქართული ანდაზა



16.11.2018


მოსწავლე გამომგონებელთა და მკვლევართა ,,ლეონარდო და ვინჩის“ 2018 წლის კონკურსის საკონკურსო კომისიამ, კონკურსის დასკვნით ეტაპზე წარდგენილი 18 საკონკურსო განაცხადი შეაფასა ფონდის გენერალური დირექტორის 2018 წლის 23 იანვრის N11 ბრძანებით დამტკიცებული შეფასების კრიტერიუმების შესაბამისად და გამოავლინა 2018 წლის კონკურსში გამარჯვებულები.

24.10.2018

საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა და ეკონომიკისა და მდგრადი განვითარების მინისტრმა გიორგი ქობულიამ კასპში მიმდინარე საგანმანათლებლო და ტექნოლოგიური პროექტები დაათვალიერეს, რომლებიც ახლო მომავალში რეგიონს ახალ დატვირთვასა და უმნიშვნელოვანეს ფუნქციას შესძენენ.

18.07.2018

გიორგი კვინიტაძის სახელობის კადეტთა სამხედრო ლიცეუმში „რობოტექნიკის საზაფხულო ბანაკი“ გაიხსნა, სადაც 13 -18 წლის 1500-მდე მოზარდი დასვენების პარალელურად, ტექნოლოგიურ ინოვაციებს გაეცნობა.

იხილეთ ყველა

საავტორო უფლებები დაცულია , საქართველოს განათლებისა და მეცნიერების სამინისტრო , 2010
Developed by ITNovations