ინტერნეტის უსაფრთხოდ გამოყენების მნიშვნელობაზე მოსწავლეებს ტრენინგები უტარდებათ

უსაფრთხო ინტერნეტის დღესთან დაკავშირებით, განათლების, მეცნიერების, კულტურისა და სპორტის სამინისტროს მხარდაჭერით, კომუნიკაციების ეროვნული კომისიის, საქართველოს საზოგადოებრივ საქმეთა ინსტიტუტის, პერსონალური მონაცემების დაცვის ინსპექტორის აპარატისა და ინტერნეტ საზოგადოება-საქართველოს წარმომადგენლები, 4-5 თებერვალს თბილისის 8 საჯარო სკოლაში მოსწავლეებისთვის ტრენინგებს ატარებენ.

4 თებერვალს ტრენინგები 5 საჯარო სკოლაში გაიმართა მე-5, მე-10 და მე-11 კლასის მოსწავლეებისთვის და ინტერნეტის უსაფრთხოდ გამოყენების მნიშვნელობის შესახებ თეორიულ და პრაქტიკულ სამუშაოებს მოიცავდა. ტრენინგი პროცესში მოსწავლეების აქტიურ ჩართულობასაც უზრუნველყოფდა.

უსაფრთხო ინტერნეტის დღე მსოფლიოში ყოველწლიურად თებერვლის პირველ სამშაბათს აღინიშნება. წელს, 5 თებერვალი უსაფრთხო ინტერნეტის დღეა.